UIT DIE KANTOOR

VEELS GELUK Ds. Theo & Milandi met die geboorte van klein Lohan. Mag hy jul lewens verryk & ons bid seën oor julle as gesin. Welkom in ons gemeente klein Lohan!

lohan.jpg

GEMEENTE-ETE

Sondag, 16 Sept., is dit weer tyd vir ons jaarlikse gemeente-ete. Indien jy wildsvleis het vir pasteie wat ons kan afkook. Ons benodig ook patats vir die ete om die kostes so laag moontlik te hou. Kontak die kantoor indien jy kan help.  

40 DAE NB INFO

Sondag, 5 Aug. skop ons  af - Boekies & DVD’s beskikbaar vanaf komende week. Ons het besluit om hierdie jaar die boekies gratis beskikbaar te stel - Ons wil graag soveel as moontlik mense nooi om deel te neem. Om hierdie boekies & DVD te maak, was ‘n duur proses & ons wil mense vra wat dit op hul hart voel om ‘n bydrae te maak om die kostes te help dek. Maak solank jul groepe bymekaar. Indien jul wil inskakel, kontak die kantoor met jul details.

 

Weeklikse Bulletin

pexels-photo-97050.jpeg

WELLINGTON DUVETPROJEK

Dis weer tyd dat die drie NG gemeentes saamspan om 200 “duvets & inners” bymekaar te maak wat aan behoeftiges uitgedeel sal word.

Tannie Elsa Gilomee was vir jare verantwoordelik vir die projek. Sy het nou verhuis en die projek oorhandig aan Marlene Meintjes.

Ons wil graag hand bysit om die projek moontlik te maak. Hoe kan jy help? Indien jy bereid is om ‘n “duvet & inner” wat ons teen R100.00 kan bekom te borg, betaal asb. die geld in ons rekening met verwysing: “duvet” of bring na die kerkkantoor. Ons is ook op soek na stiksters vir finale afronding van hierdie duvets. Skakel gerus vir Marlene Meintjes indien jy bereid is om te help.  Haar nr. 083 231 2568.

GEBEDSVERSOEKE

ONS DEEL IN MEKAAR SE LEWENS

  • Ons dink aan Frances Pool & familie met die heengaan van tannie Miemie Rabie. Mag die Here hul ook vertroos in hierdie hartseer tyd.

  • Ons bid vir Oom Jan Coetzee wat besig is met sy behandeling.

  • Ons bid vir Tannie Cora Botha wat in die hospitaal is.

  • Ons bly bid vir klein Mia wat steeds besig is met haar behandeling.

GEBEDSVERSOEK vir Jordanië:

89 uit elke 1000 inwoners in Jordanië is vlugtelinge.

Bid vir geleenthede vir hierdie vlugtelinge om die Evangelie te hoor en daarop te reageer.

Bid vir There4-Bedieninge se vennote wat vriendskaps-evangelisasiewerk onder hulle doen.

40 Dae 2018

40dae2018.jpg

Ervaar in 40 dae geloofsgroei met

6 video-verrykte besprekings.

“Laat staan haar,” het Jesus gesê.

“Waarom maak julle dit vir haar moeilik?

Sy het ‘n goeie daad aan My gedoen…Wat sy kon, het sy gedoen.”

Markus 8: 6, 8

Uitreik na Rietbron

  • Ons gemeente, in samewerking met Kuilsrivier Suid en Wingerdstokgemeente, beplan 'n uitreik na Rietbron in die Ooskaap. Die NG-gemeente Rietbron ontvang ons en ons werk saam met hulle om die behoeftes van hulle gemeentskap aan te spreek.

  • WANNEER: 29 September → 4 Oktober.

  • DOEL:  Om die mense van Rietbron te bemoedig. Besoeke asook die aanbied van ‘n #Imagine program vir die kinders.

  • WIE KAN GAAN?  Enigiemand wat die impak wil beleef wat 'n uitreik op jou lewe het. As jy jou grense wil skuif en blootstelling wil hê om jou gawes te gebruik moet asb. nie die geleentheid mis nie.   Kontak gerus vir Heinie Portwig 0825763541 of Lettie Büchner vir meer inligting.

 
 
 

Jordanie.JPG

Loading the player...

Adele Joubert was die fotograaf en haar website is www. adelejoubert.com